“Номин Констракшн Девелопмент групп” ХХК –ний хэрэгжүүлсэн “River Garden” төсөл нь Улаанбаатар хотын хамгийн үнэ цэнэтэй бүс болох Богд Хан уулын бэл, Хатан Туул голын хөвөөнд үзэсгэлэнт байгаль дунд нийт 7.5 га  газрыг хамран байрлах ба 360 айлын экстерьер, интерьерийн өвөрмөц шийдэлтэй  Таун хаус, Пент хаус, 6-15 давхар орон сууцны барилга, оршин суугчдынхаа хэрэгцээт худалдаа үйлчилгээг нэг дор  цогцоор төвлөрүүлсэн  Монголын №1 ногоон хотхон юм. Оршин суугчдаа өвөл зуны аль ч цагт тав тухтай байлгах үүднээс барилгуудын зоорийн давхарт нийт 620 ширхэг дулаан зогсоол, 250 ширхэг ил зогсоолтой.   Хотхоны нийт талбайн 70%-с багагүй талбайд 15 төрлийн мод, бут, сөөг, зүлгийн гайхалтай хослол бүхий ногоон байгууламж, хоорондоо хүрхрээгээр холбогддог 2 төвшний нуур, нуурын эрэг дээр салхилан суух сандал, саравч, зөөлөн хучилттай хүүхдийн тоглоомын талбай, сагсан бөмбөг, хөл бөмбөг, газрын теннис зэрэг спорт комплекс талбай зэргийг цогцоор нь шийдэж оршин суугчдынхаа  эрүүл аюулгүй, тав тухтай, сэтгэл хангалуун амьдрах орчин нөхцөлийг бүрдүүлсэн. 

 

       “RIVER GARDEN Хотхоны байршлын давуу тал

• Богд Хан уулын бэл, Хатан Туул голын хөвөөнд   хотын хамгийн цэвэр цэнгэг агаартай үзэсгэлэнт байгаль дунд байрладаг

• Авто зам дэд бүтцийн таатай бүсэд байрладаг

• Амралт чөлөөт  цагаа өнгөрүүлэх Үндэсний цэцэрлэгт хүрээлэн, Хүүхдийн парк,  Төв цэнгэлдэх хүрээлэн, Зайсан толгой, Sky Resort зэрэг газруудтай ойр 

• Хотын төвөөс ердөө 3 км зайтай оршдог

• Хүн амын нягтаршил бага, цэвэр агаартай, чимээ шуугиангүй нам гүм тайван амгалан орчинтой.

 
"River garden" хотхоны тухай нэвтрүүлэг болон реклам

Нэгдсэн төлөвлөлтийн 3D Tour - Та харахыг хүссэн
байршлыг илэрхийлэх цэг дээр дарж, эргэн тойрныг харна уу.

 

Smart home

  

 

 

Тав тух

Wall-pad эсвэл удирдлагаар төхөөрөмжүүдийг удирдах

/ Гэрэлтүүлэг, Автомат хөшиг, Цахилгаан шат дуудах г.м /

Орон сууцны удирдах төвөөр дамжуулан мэдээлэл авахад хялбар

 

 

 

Аюулгүй байдал

Хянах / Хаалга, Орц, Гадаа талбай зэргийг хаалгуудыг хянах боломжтой .м /

Удирдах / Хаалганы цоож, Автомат хөшиг, Гэрлийн удирдлага, зэрэг /

 

 

 

Харилцаа холбоо & Мэдээлэл

Хөршүүд, харуул, зочид хоорондоо олон нэгжээр дамжуулан холбоо барих

 

 

 

Төсөл буюу барилгын үнэ цэнийг нэмэгдүүлнэ

Төслийн нэр хүндийг нэмэгдүүлнэ

/ Tөсөл нь дэлхийн хамгийн нэр хүндтэй Home Automation системийг суурилуулж буй нь тансаг зэрэглэлийн байдлыг илтгэнэ. /

 

 

 

Сайжруулсан хамгаалалт

Бүх нийтийн орц, хаалганууд нь цахилгаан цоожоор тоноглогдсон

 

 

Удирдахад хялбар төхөөрөмжүүд

Оршин суугчдад текст мэдээлэл ба зарлал явуулах

Айл өрх ба тэдгээрийн төхөөрөмжүүдийн статусыг шалгахад хялбар

 

 

 

ХУДАЛДАА ҮЙЛЧИЛГЭЭ

``River Garden`` хотхоны оршин суугчдынхаа хэрэгцээг бүрэн хангах үүднээс хотхоны хойд хэсгийг бүхэлд нь  худалдаа үйлчилгээний нэгдсэн гудамж болгохоор зорин ажиллаж байна. Тус гудамжинд  супермаркет, сургууль, цэцэрлэг, эрүүл мэнд – спортын төв, бүх төрлийн pub, lounge, кафе, bakery, ресторан, боулинг, кино театр, гоо сайхан, фитнесс, саун массаж, бассейн, эмийн сан,  зэрэг үйлчилгээ байх ба брэнд хувцасны дэлгүүр, home dеcor, тавилгынгэх мэт бүхий л үйлчилгээг төлөвлөсөн нь  манай хотхоныг сонгосон хэн бүхний  таашаалд нийцэхээс гадна зорин ирж буй  гадаад дотоодын үйлчлүүлэгчдийн ирэх дуртай газар болон өргөжих төлөвлөлт бүхий сэтгэл татам тохилог гудамж юм. Та энэхүү гудамжаар зочилсноор хэрэгцээт бүхийн л худалдаа үйлчилгээг нэг дороос авахаас гадна  их хотын  дуу чимээ, замын түгжрэл хэмээн стрессдэлгүй цэвэр цэнгэг агаар,  мод зүлгийн гайхалтай хослол бүхий ногоон орчинд түрч болов саатан алжаалаа тайлах боломжтой.

Экстерьерийн өвөрмөц хийц бүхий  барилга байгууламж, автомашины хангалттай  зогсоол, ногоон цэцэрлэг, мод, зүлэг, усан оргилуур зэрэг нь үйлчлүүлэгчдийн тав тухыг хангах бөгөөд гудамжны эхлэлээс төгсгөл  хүртэл бүх төрлийн  худалдааны газруудаар шоппинг хийж болно.

Одоогоор манай худалдаа үйлчилгээний гудамжинд Хүрмэн эмийн сан, өдөр бүр шинэхэн бүтээгдэхүүнээр үйлчилдэг `Герман Бейкери`, Дэлхийн 75 оронд салбартай Eвроп болон Германд зах зээлийн тэргүүлэгч, хамгийн орчин үеийн, хамгийн том гал тогоо үйлдвэрлэгч  “Nobilia” гал тогооны тавилгын дэлгүүр,  Европ стандартаар Монголд үйлдвэрлэгч `Raumplus` тавилгын дэлгүүр /Umeco LLC/,` Америкийн алдарт Croscill` брендийн тансаг зэрэглэлийн гэр ахуйн тавилгын дэлгүүр,  `Food court`,   `Point`  Солонгосын  шүдний эмнэлэг,  Bella beauty спа, гоо сайхан, Bloom цэцэг бэлэг дурсгал, Номин супермаркет,  `Tom n Toms` кофе шоп `Cannondale` дугуйны дэлгүүр, Хаан банк, Wino shop, Unitel, Sushi & Noodle Bar, Hobby zone, River club буюу Спорт комплекс зэрэг байгууллагууд үйл ажиллагаа эхлүүлээд байна.

Тус худалдааны гудамж нь нийслэл хотын хамгийн цэнгэг цэвэр агаартай, хөл хөдөлгөөн  намуун тайван бүс бөгөөд, амралт  чөлөөт цагаа өнгөрөөх бусад газруудтай хамгийн ойр байрладаг. “River street” гудамж нь дөрвөн талаасаа ирж очих зам харилцааны нэгэн том зангилаа тул та River Street гудамжийг зорьсноор алтан цагаа үрж  хотын түгжрээд оролгүй хэрэгцээт бүх зүйлээ нэг дороос авах боломжтой.

Мөн худалдааны гудамжруу нийтийн тээврийн шугам үйлчилж эхэлсэн ба  автобусны буудал нь Америк сургууль, Intenational school ба ойролцоох бүсүүдрүү шууд очих боломжтой  болсон. 

 

RIVER TOWER

“River Garden”  хотхоны төв ба RIVER STREET худалдааны гудамжны эх юм. 

RIVER TOWER үйлчилгээний төв: B1-ээс 2-р давхарт  бүх төрлийн худалдаа үйлчилгээтэй бөгөөд Bella beauty спа, гоо сайхан, гоёл чимэглэлийнхээ өнгө үзэмж болон чанараар дэлхийд танигдсан  Италийн  алдарт Boccadamo  брендийн бүтээгдэхүүнээр үйлчилдэг Bloom цэцэг бэлэг дурсгал,  Номин супермаркет,  Өөрсдийн технологиор  боловсруулсан тансаг үнэр, амт чанар бүхий кофе болон фрезел, гурилан бүтээгдэхүүнийг кафе дотроо шууд бэлтгэн өгдөг тав тухтай орчин, найрсаг харьцаагаар үйлчлүүлэгчдийн сэтгэл хангалуун байдлыг  үргэлж хангадаг “Tom N Toms, `Cannondale` дугуйны дэлгүүр, Банк Санхүүгийн цогц үйлчилгээ үзүүлэгч Хаан банк, Wino Shop,  Үүрэн  телефоны  тэргүүлэгч оператор Unitel, `Sushi & Noodle Bar`, Hobby Zone зэрэг байгууллагууд хэрэглэгч, оршин суугчиддаа үүд хаалгаа нээгээд байна. 

3-р давхарт “RIVER CLUB”  буюу Спорт комплекс байрлах  бөгөөд River Club нь хамгийн сүүлийн үеийн дэвшилтэт төхөөрөмжүүдээр тоноглогдсон  фитнесс, групп дасгал, иог, бассейн, спиннингийн студи, массаж болон хүүхдийн өрөө, эрүүл хооллолтын Juice Bar-аас бүрдсэн 1600 мкв талбай бүхий цогц веллнэс клуб юм. 

Тус клуб дэлхий даяар фитнессийн трэнд болж буй виртуал болон багштай олон төрлийн сонирхолтой сургалтын хөтөлбөрүүдийг албан  ёсны эрхтэйгээр тухлаг орчинд, үр дүнд суурилсан үйлчилгээг хэрэглэгчиддээ хүргэж байна.     Мөн дан ганц фитнесс тoв бус гэр бүл, хүүхэд, эмэгтэйчүүд, залуус, ахмадуудад зориулсан олон төрлийн шинэлэг хөтөлбөрүүдийг санал болгож  байгаагаараа онцлогтой. 

  4-р давхарт өндөр зэрэглэлийн хүлээн авалтын танхим бүхий VIP ресторан байрлана.  

ЭРҮҮЛ МЭНД, СПОРТ

Эрүүл идэвхтэй амьдралын үндэс нь хөдөлгөөн бөгөөд тэр дундаа cпортоор хичээллэх нь эрүүл, зөв амьдралын хэв маяг билээ. Оршин суугчдынхаа эрүүл эрч хүчтэй амьдралд зориулж сагсан бөмбөг талбайн теннис, хөл бөмбөг, гүйлтийн болон дугуйн зам зэрэг төрөл бүрийн cпорт тоглоомын талбай болон усан бассейн, фитнес клуб, аэробик, спорт бүжиг бүхий спортын бүхий л чиглэлийг цогцоор нь шийдсэн Улаанбаатар хотын хамгийн том спорт цогцолбортой хотхон юм.  

Cпорт бүс

 River garden хотхонд 2800 м2 хэмжээтэй cпорт талбай төлөвлөсөн. Үүнээс сагсны талбай нийт - 560 м2, Теннис ба волейболын талбай хамтдаа 254 м2, Монголын анхны скитбоардын талбай - 429 м2, зориулалтын хиймэл зүлгэн хучилттай хөл бөмбөгийн талбай - 1311м2 хэмжээ бүхий орчин үеийн тоног төхөөрөмжөөр тоноглогдсон иж бүрэн тохижилттой.  Спортын тэмцээн, аливаа арга хэмжээ зохион байгуулахад шүүгчид зориулсан талбай болон богино холбооны спийкер байрлуулсан ба Спорт талбайн нийт хүчин чадал нь нэгэн зэрэг 36-40 тоглогч тоглох ба 100 хөгжөөн дэмжигчийн суудалтай. Мөн хотхоны урд хэсгээр 2,5 метрийн өргөнтэй 412м урттай гүйлтийн  замтай ба “River garden” 2-р ээлж,  Time square төслүүд хэрэгжиж дуусахад 1,5 км урттай болж уртассанаар холын зайд гүүх боломжтой болно. Үүнээс гадна хотхоны хойд хэсгийн худалдаа үйлчилгээний цогцолбор гудамж “RIVER STREET”-н нэгээхэн хэсэг болсон  River tower-т   усан бассейн, фитнес клуб, саун массаж, иог, аэробек, cпорт бүжиг бүхий спорт цогцолбортойгоос гадна ресторан, лоунж ба паб, банк, цэцэрлэг, супер маркет ба бусад байж болох бүхий л худалдаа үйлчилгээг цогцоор нь төлөвлөсөн.  

 

АМРАЛТ ЗУГААЛГА

    Байгалийн цэнгэг усаар тэтгэгдэх орчин үеийн технологийн шийдлээр хийгдсэн хүрхрээ бүхий байнгын арчилгаатай бэсрэг 2 нуур нь хоорондоо хоргиогоор холбогдсон ба нуурын урд, хойд эргийг модон хийцлэл бүхий чамин гүүрээр холбож өгсөнөөр оршин суугчиддаа нуураа тойрон ногоон моддын дунд амран зугаалах, салхилан алхах, алжаалаа тайлах боломжийг нээснээс гадна нуурын хойд эргийг тухлан суухад зориулан тусгайлан хийсэн тавцан, амран суух сандал анхилуун үнэртэх цэцгийн мандалыг байгалийн сайхантай хослуулан тохижуулсан болно.

    Мөн амран суунгаа хүүхдээ тоглуулах хүүхдийн тоглоомын талбай, амралтын талбай, гайхалтай ногоон байгууламж дундах амрах хэсэг зэрэг нь модод найган, шувууд жиргэсэн унаган байгалийн дунд амар тайван амьдралын  тансаг мэдрэмжийг танд бэлэглэнэ.

 

НОГООН БАЙГУУЛАМЖ

     River Garden хотхоны 70 гаруй хувьд Нарс, Хар мод, Сибирийн хөх хацуур зэрэг Мөнх ногоон шилмүүст мод болон Нохойн хошуу, Жимсгэнэт  өрөл, Голт бор зэрэг бутлаг ургамал болон зүлгийг гайхалтай хослуулсан ногоон байгууламжийг хийж өгсөн юм. Хотхоны өөрийн гоёмсог ногоон байгууламжаас гадна Богд Хан уул, Хатан Туул голын үзэсгэлэнт байгаль зэрэг нь хотхоны ногоон орчин, үзэсгэлэнт өнгө төрхийг бүрдүүлж байна.

     Хотхоны урд хэсэгт: Байгалийн цэнгэг усаар тэтгэгдэх орчин үеийн технологийн шийдлээр хийгдсэн хоргио хүрхрээ бүхий байнгын арчилгаатай бэсрэг нуур, нуурын эргэн тойронд ногоон цэцэрлэг байх ба үүнд чулуун зохиомж бүхий  ландшафтын элементүүд, мөнх ногоон гацуур, бусад мод бут, ногоон зүлэг, амран суухад тохиромжтой сараа, нарлан суух ил сандал, гүүр зэргийг цогцоор нь хослуулан байршуулсан.

     Хотхоны дунд хэсэгт: буюу байр хооронд ногоон мод бут, зүлэг, амран суух сараа, чулуун зохиомж бүхий  ландшафтын хослол бүхий 3 том ногоон цэцэрлэгтэйгээс гадна зочид гийчдийн машин тавих ил зогоолуудыг шийдэж өгсөн.

     Хотхоны хойд хэсэгт: ‘River Street’ худалдаа үйлчилгээний гудамж байна. ‘River Street’ нь нэгдсэн зохион байгуулалт, төлөвлөлттэйгээр бүхий л төрлийн худалдаа үйлчилгээг нэг дор төвлөрүүлсэн экстерьерийн өвөрмөц хийц, үйлчлүүлэгчдийн ая тухыг хангасан  авто машины зогсоол, гадаад тохижилт, усан оргилуурын дор тав тухыг мэдэрч амран суух ногоон цэцэрлэг бүхий Монголдоо анхдагч тансаг зэрэглэлийн худалдааны гудамж юм.

     Хотхоны ногоон байгууламж: Нийт 15 нэр төрлийн мод, бут, сөөг, зүлгийн гайхалтай хослолоос бүрдэнэ. Эдгээр модноос цухас дурьдвал:  Гацуур, Эгэл нарс, Хавтаг навчит хус, Улингар, Үхрийн нүд, Cибир гүйлс, Нохойн хошуу, Тэхийн шээг, Монос, Хайлаас, Жимсгэнэт өрөл зэрэг юм.

 

Хүрээлэн буй орчин

        River Garden  хотхон нь нийслэл хотын хамгийн цэнгэг цэвэр агаартай, хөл хөдөлгөөн  намуун тайван бүс бөгөөд,  чөлөөт цагаа өнгөрөөх амралт зугаалгын Үндэсний цэцэрлэгт хүрээлэн, Үндэсний соёл амралтын хүрээлэн, Зайсан толгой, Төв цэнгэлдэх, Скай ресорт зэрэг газруудтай хамгийн ойр байрладаг. Мөн  “Time Square” хотхонд Сакура дунд сургууль байрлах ба тус хотхонруу нийтийн тээврийн шугам шинээр үйлчилж эхэлснээс гадна  Америк сургууль, Intenational school ба ойролцоох бүсүүдрүү шууд очих боломжийг нээсэн. “River Garden”  хотхон нь дөрвөн талаасаа ирж очих зам харилцааны нэгэн том зангилаа юм.

               Хотын төвтэй Нарантуулын ба Замын цагдаагийн гарам, Энхтайвны гүүр болон  Нарны гүүр  зэрэг 4-н гарцаар холбогддог, ирээдүйд Удирдлагын академийн талыг Ривер Гарден хотхоны талтай холбосон зам баригдах ба Туул, Сэлбийн хурдны замууд хотхоны хажууханд баригдахаар төлөвлөгдсөн байгаа нь хотын аль ч цэгээс богино хугацаанд хүрч ирэх боломжийг олгох болно.


  • RG1

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • 01

    RG1

  • RG1

    RG1

  • RG1

    RG1

  • RG1

    RG1

  • RG1

    RG1

  • RG1


Таны санал хүсэлт амжилттай илгээдлээ. Бид тантай удахгүй холбогдох болно.

Санал хүсэлт

Хан-Уул дүүрэг, 11-р хороо, Pивер Гарден хотхон /17012/ Их Монгол Улсын гудамж - 308, 1 давхар Улаанбаатар хот, Монгол Улс, Ш/х -The morning post 013

7577-7577

This is NOMIN CONSTRUCTION company product. Please dont copy this design and web. Copyright © 2014 RIVER GARDEN town
Designed and Developed by TBSM LLC